Претседателот на Општинскиот комитет на ВМРО-ДПМНЕ од Штип Иван Јорданов денеска на прес конференција во штипското село Ново Село, ја обвини актуелната локална власт предводена од Градоначалникот Благој Бочварски за лажење на локалните граѓани околу реализацијата на проектот за уредување на коритото на река Отиња.
Во продолжение ја пренесуваме интегрално изјавата на Иван Јорданов:
Се наоѓаме во Ново Село. Овде Градоначалникот, неколку пати до сега во овие две години се сликаше и манипулираше дека интензивно се работи на уредување на коритото на река Отиња и дека истото е во завршна фаза. Во прилог на ова на јавноста и приложуваме неколку фотографии.
Ова е евидентирано на 1 март 2018 година. Исто така, од ова место е евидентирано дека на 17 август 2018 година, на истото ова место е приложено и прикажано одвивање на градежни активности со цел уредување на коритото на река Отиња.
Замислете, две години се манипулира дека се уредува коритото во должина од 300 метри, кое беше оставено да се доврши од претходната локалната власт. Жителите на оваа населба знаат дека се заборавени и излажани од страна Локалната самоуправа и Градоначалникот.
Почитуван Градоначалник,
Крајно време е да бидете барем еднаш одговорен пред граѓаните и да смогнете сили да го завршите она што некој пред вас го оставил. Ве замолуваме да го сторите тоа не затоа што ние ви укажуваме, туку затоа што граѓаните го очекуваат и го бараат тоа од Вас.
Креирано од:
СЛИЧНИ ОБЈАВИ
Приведено лице од Македонска Каменица затоа што управувало возило под дејство на алкохол и без возачка дозвола
Жителка од с. Лаки, виничко заработи кривична пријава за упатување на заканувачка содржина преку соц. мрежа
В. д. градоначалникот Крстевски на средба со директорот на „Амфенол“ Наков и со жители на Тркање