Штипската зоолошка градина доби машко мече, кое е подарок од проф.д-р Јовица Угриновски.
Директорот на ЈП „Исар“ – Штип, Ангел Бојаџиев истакна дека новиот жител на Зоолошката градина ги има сите услови за живеење.
Живеалиштето е подготвено, го вселивме и мечето веќе се запознава со самото живеалиште. Голема благодарност до професорот, кој не само што го донираше мечето, туку целата грижа околу исхраната ќе биде негова до крајот на животот на мечето, посочи Бојаџиев.
Мечето е од расата Урсиде, кое во рацете на докторот Угриновски дошло кога полиција му го донела повредено за да го спаси. Тоа првично било згрижено во Зоолошката градина во Скопје, од каде со посебна процедура е пренесено во Штип.
– Најдено е напуштено на превојот Блаце од припадници на специјалните единици. Ми го донесоа мене, имаше повредена задна десна нога. Го оперирав и го чувам од малечко досега. На возраст е од година и седум-осум месеци и околу 80 килограми тешко, рече Угриновски.
Извор: Курир
Креирано од:
СЛИЧНИ ОБЈАВИ
Одржан онлајн состанок со претставници на Европската комисија за Реформската агенда и Планот за раст
Започна регистрацијата за обуката „AI4HerWellbeing“ – спој на вештачка интелигенција и благосостојба за жени во Кочани
36 годишен жител на делчевското селo Габрово го нарушувал јавниот ред и мир во кафеана а потоа физички нападнал полицаец