Општинскиот совет за безбедност во сообраќајот на патиштата, во соработка со ОВР Кочани и учениците од СОУ „Гошо Викентиев“, под мотото ,,Вози одговорно, патувај безбедно“, ја започна новогодишната кампања за среќна и безбедна 2024 година.
Учениците од сообраќајната струка, заедно со полициски службеници од Одделението за внатрешни работи – Кочани, делеа летоци со едукативна содржина, како потсетување на возачите за важноста на почитувањето на правилата и прописите во сообраќајот за време на претстојните новогодишни празници. Посебен акцент беше ставен на пораката: „Ако пиеш не вози, ако возиш не пиј алкохол“.
Целта на оваа кампања е да се апелира за одговорно учество во сообраќајот и внимателно возење за време на новогодишните празници, за поголема сообраќајна култура, почитување на сите учесници во сообраќајот и издигнување на безбедноста на сообраќајот на уште повисоко ниво за среќна и безбедна 2024 година.

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година