Откако беше цел на обидот за навреди и дискредитација на лична основа од страна на службата за пропаганда и вербално оцрнување на сите неистомисленици во Министерството за одбрана под контрола на Радмила Шеќеринска , Драган Ковачки достојно на ниво на неговиот капацитет и човечка дисциплинираност упати своја реакција во јавноста.
Истата ја пренесуваме во целост во продолжение:
“Во Македонија мора да направиме систем во кој луѓето ќе мора да ги вреднуваме според резултатите а секој ќе си носи одговорност за сторено.
Импровизацијата која што функционерите на СДСМ предводени од Радмила Шеќеринска во Министерството за одбрана на Република Македонија ја прават, е опасна по безбедносниот систем.
Релативизирањето и дефокусирањето од сторено кривично дело за кое тврдам дека ќе има сериозни последици и во нашите односи со НАТО, е само на штета на државата.
Одговорност за ваквите постапки мора да има. Во најкус можен рок мора да изградиме систем каде што вакви аматери и нивните неодговорни постапки ќе бидат подалеку АРМ и од институциите на системот.
Високите стандарди на нашите сојузници тоа го бараат од нас, но пред се тоа е обврска кон македонските граѓани.
П.С. Задржете го нивото на политичка комуникација со аргументи, а не на лични напади. Јас ниеднаш не Ве опоменав дека носите гардероба од 2000 евра додека мојата војска оди во партали, а старешините од свој џеб купуваат хартија за печатење и тонери.”

СЛИЧНИ ОБЈАВИ
Николоски: Изградбата на автопатот Охрид-Кичево се одвива по план, она што беше невозможно станува реалност
Кривина пријава за 19 годишен кочанчанец за полово вознемирување
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист