Во текот на вчерашниот ден комбинирани тимови на Пазарна инспекција, Управата за финансиска полиција, МВР и Дирекцијата за заштита и спасување направиле контрола на работењето на два угостителски објекти во Делчево. Биле лоцирани редица на пропусти во работењето и прекршувања на законската регулатива за што надлежни инспектори изрекле соодветни казни како и забрана за вршење на дејност од страна на овие угостителски локали, се до отклонување на недостатоците.
За овие контроли со своја реакција во јавноста се обратија од фејсбук страницата на ПАБ Делчево преку која ја коментираат ваквата постапка на службените лица на државата.
Според реакцијата на ПАБ Делчево информираат дека вчера точно напладне координирано службени лица на Министерство за внатрешни работи, Финансиска полиција, Државен пазарен инспекторат и Дирекција за заштита и спасувањевлегле до два деловни објекти во сопственост на истата фирма при што биле “воочени одредени недостатоци, согласно одредени законски правилници и регулативи, пред се во недостаток на техничка документација.”
“Изречена е усна забрана за работа на објектите, за која согласно закон ќе следи и писмено решение, се до отклонување односно обезбедување на утвредените недостатоци на објектите, согласно законските регулативи и правилници за работа.
Изречени се и платни прекршочни налози (казни), за соодветните недостатоци утврдени при инспекцискиот надзор и контрола,”
-информираат од ПАБ Делчево преку социјалните мрежи.
Притоа од страна на ПАБ Делчево информираат дека “утврдените недостатоци од страна на државните инспектори, во целост ќе бидат отклонети и обезбедени согласно укажувањето, а платните прекршочни налози ќе бидат уплатени на трезорската сметка на НБРМ во изречениот рок.”
“Им се заблагодаруваме на ОСЛ од ОВР Делчево, државните инспектори и КРИМ полиција, за коректниот однос, професионален пристап и комуникација.
А за “случајниот” избор и селективна селекција ќе се насмееме сами во себе,”
-велат од ПАБ Делчево.
Креирано од:
СЛИЧНИ ОБЈАВИ
Алиу на економско-социјалниот совет: За секој денар од акциза од тутун, економијата троши приближно четири денари за справување со здравствените последици од пушењето
Присуство на висока партиска делегација на ВМРО-ДПМНЕ предводена од ген-секот Драган Ковачки на конференција посветена на иднината на Македонија
Николоски: Коридор 8 го градиме со силна динамика, автопатите и железницата ќе ги изградиме во предвидените рокови