Во соопштение упатено до јавноста од Општинскиот Комитет на ВМРО-ДПМНЕ од Кочани ја алармираат јавноста за лицемерие на в.д. градоначалникот Венко Крстевски во врска со неговите ставови и обиди да си препише политички заслуги за реализација на значаен проект кој што беше инициран и конципиран од страна на неговиот претходник од ВМРО-ДПМНЕ.
“Проект што се поздравува од функцијата в.д., не беше така силно поддржан од функцијата советник– јавноста заслужува вистина.”
-алармираат од ВМРО-ДПМНЕ ОК Кочани.
“СПА-комплексот е важна инвестиција за општината, но се реализира врз основа на подготовки и визија на претходниот тим, а не на актуелниот в.д. Градоначалник.
Со вчерашната објава за јавно наддавање за продажба на државно земјиште за изградба на СПА-комплекс, в.д. Градоначалникот формално ја спроведува постапката за реализација на проект од големо значење за локалниот економски развој. Тоа е за поздравување – но и за потсетување.
Имено, подготовката на проектот, урбанистичкото планирање, одлуките за пренамена и создавањето на услови за оваа инвестиција се резултат на долг процес воден од претходната администрација, стручните служби и советниците што ја поддржуваа иницијативата. Во таа фаза, актуелниот в.д. Градоначалник не покажа отворена поддршка, туку напротив, настапуваше скептично во однос на оправданоста на проектот, што е документирано и преку неговите променливо ставови во Советот на оваа тема. Неговото презентирање на проектот како сопствен успех отвора прашања за политичка и морална доследност.
Дополнително отвара и морални дилеми и прашања дали дел од новооткриената мотивација на в.д. градоначалникот е од лукративна природа?! Сметаме дека е важно јавноста да биде точно информирана за потеклото и текот на важните локални проекти. Граѓаните имаат право да знаат кој вложи визија, труд и одговорност, а кој само формално се појавува во финалната фаза. Нашата партија останува посветена на развојни проекти и ќе продолжи да работи транспарентно, со јасна визија и без потреба од присвојување на туѓ труд.
Општината може и мора подобро – со чесност, отчетност и континуитет,”
-стои во реакцијата на Советничката група на ВМРО-ДПМНЕ во општинскиот Совет на Кочани.
Креирано од:
СЛИЧНИ ОБЈАВИ
Починат 47 годишен жител на с. Лаки, виничко донесен во Брзата помош во Виница
Драган Ковачки во присуство на членови на Патриотскиот институт на ВМРО-ДПМНЕ одаде почит пред спомен плочата кај месноста Свиланово, кочанско каде загинал Никола Карев
Историскиот антагонизам меѓу двете држави се надминува? Бугарија ја одобри еколошката студија за изградба на патно поврзување меѓу Струмјани и Берово