БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Мицкоски кон новинарите: Вашата работа не е само пренесување на вести, туку создавање на јавна меморија, градење доверба и одржување на демократијата жива

HTML Image as link Имате потреба од нов веб сајт?
An image from Squarespace
Пренеси го гласот

Премиерот на Македонската влада Христијан Мицкоски денеска имаше свое обраќање пред присутните гости на конференцијата на Асоцијацијата на новински агенции од балканот и југоисточна Европа. Мицкоски пред присутните медиумски работници порача дека нивната работа не е само пренесување на вести, туку создавање на јавна меморија, градење доверба и одржување на демократијата жива.

“Денес, повеќе од кога било, медиумите се столб на демократските општества. Во услови на глобална поврзаност, тие не само што информираат, туку и инспирираат, обединуваат и создаваат клима за просперитет.

Во време на економски и социјални предизвици, кога граѓаните бараат сигурност и надеж, медиумите се тие што можат да пренесат визија, да објаснат реформи и да ја поттикнат јавната дебата.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Нашата земја цврсто стои на ставот дека нема демократско општество без слободни медиуми. Слободата на говор е темелна вредност и ние сме решени да ја унапредуваме и да гарантираме простор каде што секој новинар може слободно да праша, да истражува и да објави.

Нашата Влада е цврсто определена да биде партнер на медиумите. Работиме на постојано унапредување на правната рамка за независност на медиумите, вложуваме во дигитализација на јавните услуги за поголема транспарентност и отчетност, поддржуваме програми за новинарска етика и професионализација и го поттикнуваме регионалниот дијалог за слобода на медиумите преку заеднички конференции и иницијативи.

Нека оваа конференција биде уште една порака дека нашите општества избираат пат на дијалог, соработка и вистина. И затоа, вие не сте само сведоци – вие сте градители на иднината,”

-рече денеска Премиерот Мицкоски од Конференцијата.

Креирано од:


Пренеси го гласот