Денеска, во Инфо-центарот на Пониква, градоначалниците на општините Кочани и Пробиштип, Владко Грозданов и Тони Тоневски, одржаа работен состанок на кој се разгледуваа прашања од јавен интерес поврзани со искористувањето и унапредувањето на туристичките потенцијали на Пониква.
Во фокусот на разговорите беа природните ресурси со кои располага Пониква што ја прават особено погодна за развој на зимски и планински туризам. Посебен акцент беше ставен на ски-потенцијалите, како еден од клучните сегменти за привлекување туристи во зимскиот период и за продолжување на туристичката сезона.
Состанокот има за цел подигнување на меѓуопштинската соработка на повисоко ниво, преку координиран пристап кон трајно и одржливо решавање на прашањата поврзани со развојот на Пониква. Во таа насока, градоначалниците истакнаа дека заедничкото дејствување ќе овозможи инвестиции во неопходната инфраструктура, подобрување на пристапноста и создавање услови за реализација на капитални проекти.
Двајцата градоначалници ја нагласија подготвеноста за заеднички настапи пред домашните и меѓународните фондови, со цел да се обезбедат финансиски средства за проекти што ќе придонесат за целосно валоризирање на природните потенцијали на Пониква и нејзино позиционирање како значајна туристичка дестинација во регионот.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево