Македонскиот Министер за надворешни работи и трговија Тимчо Муцунски денеска на пригоден настан го потпиша Протоколот за правила за потекло, како интегрален дел од Спогодбата за партнерство, трговија и соработка меѓу двете земји.
Со тоа се создаваат подобри услови за извоз и развој на домашната економија преку зголемена трговска размена како и подобрување на економската билатерална соработка со Обединетото Кралство.
✅ Создаваме услови за зголемен извоз, нови работни места, посилна економија и поголема сигурност за граѓаните, преку подобро позиционирање на македонската економија на еден од најзначајните европски пазари.
🇲🇰 🇬🇧 Заедно со амбасадорот на Обединетото Кралство на Велика Британија и Северна Ирска, Метју Лосон, денеска го потпишавме Протоколот за правила за потекло, како интегрален дел од Спогодбата за партнерство, трговија и соработка меѓу двете земји.
Со примената на проширената кумулација на потекло, значително се унапредуваат можностите за македонските извозници да користат преференцијален третман во трговијата со Обединетото Кралство. Ова е особено важно за секторите со сложени производни ланци и висок удел на материјали од Европската унија и земјите опфатени со ПЕМ-конвенцијата, како и во контекст на новите трговски односи на Обединетото Кралство по излегувањето од Европската унија.
-напиша на социјалните мрежи Македонскиот Министер Муцунски

СЛИЧНИ ОБЈАВИ
Новото раководство на Комората оствари средба со министерот за здравство
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп