Првиот заменик-претседател на Владата, Беким Сали, денес учествуваше на панел-дискусијата организирана на Универзитетот Мајка Тереза на тема „Институционална консолидација и законодавството за високото образование“.
Во своето обраќање, првиот заменик-претседател на Владата ја истакна важноста на институционалната консолидација и зајакнувањето на високото образование како клучен столб за развојот на општеството и перспективата на младите.
Тој нагласи дека правните пречки со кои се соочуваше Универзитетот Мајка Тереза веќе се надминати, вклучително и предизвиците поврзани со Статутот на Универзитетот, со што се отвора патот за понатамошен институционален развој, унапредување на квалитетот во образованието и зајакнување на улогата на универзитетот во општеството.
„Нашата заложба како Влада останува цврста во поддршката на високото образование и развојот на образовната и научната инфраструктура, со цел создавање подобри услови за студентите и академскиот кадар, како и градење силни институции кои придонесуваат за развојот на државата и перспективата на нашите млади“, истакна Сали.
На панелот учествуваа институционални претставници, универзитетски професори и експерти од областа на високото образование, кои дискутираа за предизвиците и приоритетите за унапредување на универзитетскиот систем и зајакнување на институционалната автономија.
Креирано од:
СЛИЧНИ ОБЈАВИ
Истрага за Претседател на суд и Судски администратор
Претставени придобивките од билкарството преку проектот „Вештини – клучот на зелената економија“
Велковски во посета на Центарот за социјална работа во Велес: Помошта да стигне до оние на кои им е најпотребна