Лисабон, 19 јуни 2026 година – Првиот заменик-претседател на Владата и министер за европски прашања, Беким Сали, учествуваше на проширената седница на Управниот одбор на Агенцијата на Европската Унија за дроги (EUDA), која се одржа во Лисабон. Сесијата беше посветена на геостратешката дискусија за зајакнување на подготвеноста и одговорот на предизвиците поврзани со трговијата со дрога и новите психоактивни супстанции.
Во своето обраќање, министерот Сали истакна дека Република Северна Македонија останува посветена на усогласување на националните политики и законодавството со европските стандарди во областа на безбедноста, јавното здравје и борбата против организираниот криминал.
Тој нагласи дека соработката со EUDA претставува значаен чекор во зајакнувањето на институционалните капацитети, особено во воспоставувањето на Систем за рано предупредување за нови психоактивни супстанции и унапредувањето на механизмите за следење и справување со предизвиците поврзани со дрогите.
Сали потенцираше дека европската интеграција подразбира силни институции, ефикасна меѓуинституционална координација и доследна примена на европските стандарди во интерес на безбедноста и здравјето на граѓаните.
На состанокот беше нагласена и важноста на меѓународните партнерства во справувањето со заедничките безбедносни предизвици и зајакнувањето на европската отпорност.
Извор: Кабинет на министерот за европски прашања
Креирано од:
СЛИЧНИ ОБЈАВИ
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист
Гордоста на Брегалничкиот регион- Ансамблот “Македонија” во Делчево ја покажа најсилната страна на Македонскиот идентитет
Вашето дете често се буди навечер? Дознајте што можете да направите на бесплатната онлајн обука на dm и „Матрона“!