Берово, Делчево, Македонска Каменица, Пехчево, Виница , покрај Тетово, Кичево, Гостивар се неколку од општините на црната листа на белата чума на исселување на жителите поради актуелните општи состојби во државата.
И додека жителите на овие и многу други општини ширум Македонија ги напуштат своите родни огништа и својата егзистенција ја бараат по белиот свет, Премиерот Зоран Заев во Германија заедно со неговиот поранешен колега Ципрас примаше некаква награда која нема никакво значење за самите граѓамни.
“Буквално вчера кога ја примаше наградата на Вестфалија за некаков постигнат успех со Преспанскиот договор (ако предавството го смета за успех, добро, ние не), кажа дека обезбедил иднина за младите во Македонија. Демантот стигна веднаш, со слики, документирано.
Иднината ете ја, му оди пред очи. Се иселуваат младите од Тетово, исто се иселуваат и од Берово, од Струга и Македонска Каменица, Делчево и Кичево, се иселуваат Македонци, Албанци, Турци, Роми, Власи, се иселуваат сите кои поради неспособноста на Зоран Заев и СДС не можат да го поминат месецот овде.
Иднината на младите е надвор од Македонија, за жал, а ветуваа дека ќе ги вратат и ќе си ги земат кондурите од пред влада.
Најнеспособниот лидер во историјата на било која држава на Македонија ѝ се случува токму сега, дали е ова казна или лекција што треба да ја научиме – не знам, но знам дека ја направи држава на пензионери и оние неколкуте кои се двоумат дали да си отидат, но се во план или спремаат документи за секој случај.
Македонија повеќе не смее да губи, македонскиот и сиот народ кој живее во неа има историска шанса да му даде шут-карта на Заев и СДС и заедно да ја направиме оваа држава едно поубаво место на живеење.”
-напиша пратникот Јован Јаулески на фејсбук во врска со овој проблем.
Креирано од:
СЛИЧНИ ОБЈАВИ
Службени лица на МВР и МЗШВ од Струмица и Берово помагале во пустошење на шумите во Малешевијата
Божиновска: Рубинот инспирација за иднината – уметност и геологија се споија со цел ресурсите да ги претвораме во знаење, вредност и иднина
Николоски: Автопатот Прилеп-Битола се гради со силен интензитет. Пелагонија ќе добие модерен автопат по сите стандарди за нов економски развој и посилна иднина на регионот