Во текот на денешниот ден носителот на кандидатката листа за пратеници од ВМРО-ДПМНЕ и Коалицијата “Твоја Македонија” во Третата изборна единица Драган Ковачки ќе биде помеѓу граѓаните на општините на крајниот исток од државата Берово и Пехчево.
Од тимот на Ковачки најавуваат дека носителот на листата ќе има повеќе активности, средби, состаноци и мали митинзи во рамки на кампањата за парламентарните избори кои што ќе се одржат заедно со вториот круг од претседателските избори на 8 мај.
Утрото Ковачки заедно со кандидатот за пратеник од Берово Столе Кракутовски го започнаа со одавање на должна почит на споменикот на Македонските бранители кои што животот го положиле за Македонија.
“Утрото го започнав со оддавање почит кон бранителите кои животот го положија за Македонија.
Тие луѓе беа со години игнорирани од власта на СДС/ДУИ, но од нас не можат да бидат заборавени затоа што се на пиедесталот. Поради нив и поради секој еден од нас мораме да го промениме ова црнило кое е над Македонија. Затоа ве повикувам сите да се обединиме затоа што тоа им го должиме на нив и на нашите поколенија.
Ќе ја вратиме Македонија на народот, Македонија ќе биде повторно твоја! “
-напиша на социјалните мрежи во врска со овој настан Драган Ковачки.
Креирано од:
СЛИЧНИ ОБЈАВИ
Манифестацијата “Пијанечки денови на сливата 2026“, познатата „Сливијада“ утре во село Град доживува нова енергија за развој
Учениците на СОУ „Миле Јаневски Џингар“ Македонска Каменица го посетија Спомен домот на Разловечкото востание во село Разловци
Ј А В Е Н П О В И К до евидентирани невработени лица за вклучување во Програмата Општинско – корисна работа