При фитосанитарната контрола на граничниот премин Деве Баир, во текот на минатата недела, државните фитосанитарни инспектори земаа мостра од пратка со домат за лабораториско испитување на присуство на резидуи од пестициди, согласно Годишната програма за мониторинг.
По извршената лабораториска анализа на мострата со примена на акредитирани методи, утврдено е присуство на забранет пестицид во плодовите во концентрација 22 пати над границата на квантификација (LOQ).
Врз основа на лабораторискиот наод, Државниот инспекторат за земјоделство не дозволи пуштање во промет на пратката од 21,7 тони домати и донесе решение за нејзино уништување, со што е спречено потенцијално консумирање на небезбеден производ од страна на потрошувачите.
Државниот инспекторат за земјоделство и во наредниов период ќе продолжи со засилените фитосанитарни контроли при увоз, врз основа на Годишната програма за мониторинг и законската регулатива од областа на фитофармацијата.
Целта на контролите е навремено откривање и спречување на внесување и пуштање во промет на производи кои не ги исполнуваат пропишаните безбедносни услови, со што се придонесува кон заштита на здравјето на потрошувачите и пласирање на безбедни земјоделски производи на пазарот.
Креирано од:
СЛИЧНИ ОБЈАВИ
dm повторно го отвора еко-конкурсот „Зелена иднина: од градинка до училиште“ – пријавете го вашиот двор за раззеленување!
Министерството за здравство и СЗО организираа национална консултација за новиот Закон за лекови
Тошковски: По повеќе од 15 години запуштеност и негрижа, базенот во Полициската академија во Идризово повторно е во функција