Јавни површини обраснати со сува трева и грмушки. Тротоари обраснати со трева низ испуканиот асфалт. Вегетација која од година во година никнува во асфалтот и пополека го деградира. Распаднати детски игралишта и уништена урбана опрема. Кородирани огради, искршени контејнери околу кои кучиња скитници и мачки разнесуваат комунален смет од домаќинствата. Гранки и грмушки кои оневозможуваат прегледност на патот. Прекопи на улици, разрушени и извадени рабници. Шахти кои трескаат на секое поминување и среќа што нечие тркало не пропаднало во распаднатиот отвор сред улица. Неисчистени канавки покрај улици и патишта …
Ова не се слики од некоја апокалиптична ТВ серија.
Ова е реалноста во која секојдневно живеат делчевчани- барем оние кои останаа низ градот Делчево.
Веќе стана дегутантно пишувањето на оваа тема која заедно со темите
-неуреденото и обраснато со вегетација речно корито на река Брегалница која минува низ центарот на градот,
-градската депонија која повеќе гори отколку што не гори и го труе градот и околните селски средини со отровни гасови,
-дивите депонии за чие појавување кои не се најде јунак да ги реши,
-проблеми со недостиг на вода во повисоките делови на градот Делчево,
-неисчистена и недератизирана канализација низ градот Делчево,
-испуштањето на фекалии директно во река Брегалница, итн
стана слика на грдото лице за политичката неспособност на актуелниот градски татко во Делчево кој е најповикан да се занимава и да ги реши овие проблеми.
До кога вака?
Креирано од:
СЛИЧНИ ОБЈАВИ
Стручна работилница на тема „Дигитални решенија за одржливо земјоделско производство“
ВИНИЦА РЕЦИКЛИРА – 169.350 ПЛАСТИЧНИ ШИШИЊА ЗА ТРИ МЕСЕЦИ!
Уште една голема инвестиција на владата во здравството за делчевчани: Две нови возила за ЈЗУ Здравствен дом ,,Гоце Делчев ” во Делчево