БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

[галeрија] МАКЕДОНСКО МУЗИЧКО ВОСТАНИЕ ВО ХЕРАКЛЕЈА: НАД 2.500 ГЛАСОВИ ПЕЕЈА СО ВЛАТКО И ЗЛАТКО МИЛАДИНОСКИ

HTML Image as link Имате потреба од нов веб сајт?
An image from Squarespace
Пренеси го гласот

Античките камења на Хераклеја во Битола беа сведоци на уште една вечер за паметење. Пред повеќе од 2.500 посетители, Влатко и Златко Миладиноски приредија музички спектакл во кој македонската песна, емоцијата и традицијата се споија во едно моќно доживување.

Во публиката имаше посетители од Битола и од многу други градови ширум Македонија. Луѓе од различни генерации пееја во ист глас, покажувајќи дека народната песна не е само дел од нашето минато, туку жива нишка што и денес нè поврзува. Хераклеја одекнуваше со најпознатите песни на Влатко Миладиноски, а секој нов рефрен ја засилуваше енергијата под битолското небо.

Влатко настапи во придружба на оркестарот на Златко Миладиноски и повеќе од 30 музичари, кои со својата маестрална изведба создадоа богат и впечатлив звук. Концертната програма ја надополнија специјалните гости Спасен Сиљаноски, Дамјан Стојаноски и Дарко Стојаноски, како и гостите уметници македонци од Егејска Македонија.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Со внимателно избран репертоар, врвна продукција и силен сценски настап, концертот прерасна во вистински музички спектакл, целосно достоен за историската величественост на Хераклеја. Особено незаборавни беа миговите кога повеќе од 2.500 посетители ги пееја песните како еден хор, претворајќи го античкиот театар во голема сцена на заедништво и национална гордост.

По успешните концерти во Охрид и Скопје, Влатко Миладиноски ја продолжи својата музичка приказна и во Битола, уште еднаш потврдувајќи дека македонската народна песна има моќ да ги исполни големите концертни простори и да допре до публиката без оглед на возраста.

Вчера вечер Хераклеја не беше само историски локалитет-беше дом на македонската песна. Битола стана средиште на едно големо музичко востание, во кое традицијата доби нова сила, а емоциите се претворија во спомени.

Концертот на Влатко и Златко Миладиноски беше многу повеќе од музички настан. Тој беше празник на македонската култура и традиција, но и доказ дека песната може да обедини илјадници луѓе во една незаборавна вечер што уште долго ќе се прераскажува.

Креирано од:


Пренеси го гласот