Продолжениот празничен викенд е одлична можност за кратко летно бегство, а Аква Парк Пробиштип подготвува тридневна програма исполнета со музика, адреналин, вода и многу забава за посетителите од сите генерации.
Од 1 до 3 август, Аква Парк Пробиштип ќе биде една од најатрактивните дестинации во Македонија за сите што сакаат празничните денови да ги поминат активно, разладени и во одлична атмосфера. Со повеќе од 20 водени атракции, базени и содржини за деца, млади, семејства и друштва, паркот нуди забава за секого-од најмалите посетители до најголемите љубители на адреналинот.
Програмата започнува во сабота, на 1 август, со музички сет на DJ Tammy, кој ќе ја отвори празничната атмосфера покрај базените.
Во недела, на 2 август, од 12:00 до 17:00 часот, следува забава со DJ Bono – дневна забава создадена за вистинско летно уживање, музика и освежување под сонцето.
Продолжениот викенд ќе биде заокружен во понеделник, на 3 август, кога DJ Bono и Nikola Popovic ќе се погрижат за музиката, а посетителите ќе можат да учествуваат во забавни предизвици и игри: трка во лижење сладолед, водена штафета и сунѓер-предизвик.
Без разлика дали сакате адреналин на тобоганите, релаксација покрај базените, музика и дружење со пријателите или целодневна семејна забава, Аква Парк Пробиштип има понуда за секого.
Наместо продолжениот викенд да помине дома, претворете го во вистинска летна авантура. Од 1 до 3 август, дестинацијата е Аква Парк Пробиштип-место каде што празничното расположение се спојува со вода, музика и незаборавна забава.
Креирано од:
СЛИЧНИ ОБЈАВИ
Пронајдена марихуана кај 17 годишник од Штип по што лицето било приведено
67 годишен жител на Кочани лишен од слобода по претходна пријава од сопругата за упатување закани
43 годишна жена од Берово физички нападната од нејзиниот сопруг