Христијан Мицкоски, претседателот на ВМРО-ДПМНЕ во вечерашното гостување на ТВ Алсат М се осврна на повеќе актуелни прашања од значење на граѓаните на Република Македонија.
Тој меѓу другото вели дека власта врши политички прогон врз опозицијата бидејќи сфатиле дека ВМРО-ДПМНЕ не може да го победат на избори и бидејќи ја губат довербата кај граѓаните, решиле да ја напаѓаат опозицијата преку апсења, политички прогон, судски терор и фингирани обвиненија.
Еве како што бевте сведоци пред недела и нешто беше нападнат ВМРО-ДПМНЕ и беше уапсен и однесен во притвор еден член на Извршниот Комитет на партијата и еден член на Централниот комитет и претседател на Општинскиот комитет, Аеродром. Зошто ако ме прашате, одговорот е јасен Димитар Димовски е уапсен само поради една причина затоа што ги изнесуваше јавно криминалните скандали, насилничкото однесување на функционерите на СДСМ како што беше претепувањето во кабинетот на градоначалникот во Шуто Оризари, Курто Дудуш, кој што е претставник на СДСМ, а Дејан Митевски затоа што на дневна основа како претседател на Општинскиот комитет на ВМРО-ДПМНЕ во Аеродром ги разобличува криминалиите и неработењето на градоначалникот Златко Марин кој што е дел од СДСМ,
-изјави Мицкоски.
Во продолжение Мицкоски нагласи дека ВМРО-ДПМНЕ ќе го издржи овој политички терор и прогон од страна на власта, но ќе дојде ден кога членот 353 став 5 од Кривичниот законик ќе почне да важи за нив, односно ќе одговараат еден ден за се она што денеска го прават.
Подолу во интервјуто Претседателот на ВМРО-ДПМНЕ, Христијан Мицкоски посочи дека ставот на ВМРО-ДПМНЕ по однос на прашањето за името е кристално чист. Тој истакна дека граѓаните го кажале својот став во однос на тоа како сакаат да се нарекува нивната држава на референдумот кој се одржа на 8 септември 1991 година кога во огромно мнозинство својот глас го дале за Република Македонија, независна и суверена.
Ние сме јасни чисти и кристални во нашиот став. Единствен важечки правен документ во оваа држава кој што ја детерминира државност е резултат на волјата на граѓаните во 1991-та година кога огромно мнозинство од граѓани на оваа држава рекоа дека ова е Република Македонија, суверена и независна држава. И тука нема никаква дилема,
-потенцираше Мицкоски.
Мицкоски истакна дека сето останато е резултат на политичари, корумпирани, уценети и притиснати да направат нешто за кое што се срамат денеска и кое што е навистина спротивно на интересите на македонскиот народ, македонската нација и македонската држава, додека за да одиме чекор назад потребни ни се 80 пратеници и бадинтерово мнозинство.
Погледнете го целото интервју на Претседателот на ВМРО-ДПМНЕ, Христијан Мицкоски на каналот на ТВ АЛСАТ М на јутјуб:
Креирано од:
СЛИЧНИ ОБЈАВИ
Мицкоски од ОАЕ: Ги презентиравме можностите за инвестирање во Македонија, работиме за да се најдеме на мапата на светските инвеститори
Предупредување до сите што градат незаконски: Започнува строго контролирање на бесправната градба!
Тошковски од Приштина: Евалуација на функционирањето на One Stop Shop системот, следна фаза е имплементација на граничниот премин Јажинце