“АКО ЕДЕН ДЕН СЛУШНЕТЕ ДЕКА МЕ УБИЛЕ ГОРЕ НА ГРАНИЦАТА, СЕ ЛАЖЕТЕ… УШТЕ НЕ Е РОДЕН ТОЈ ТУРЧИН ШТО МОЖЕ ДА МЕ УБИЕ ИЛИ ЖИВ ДА МЕ ФАТИ. НО ДУРИ НЕ ГО ИСТРЕЛАМ И ПОСЛЕДНИОТ КУРШУМ НЕМА ДА УМРАМ”.
Ова се зборовите на најголемиот македонски револуционер и деец од Виница Ангел Димитров Винички познат како и Ангел БабаБожанин Винички.
Ангел Винички со своето револуционерно делување покривал територија од Ќустендил- денешна Република Бугарија, преку Осоговијата, селото Саса до село Драгобрашта – Виничко, каде што во тоа време бил пунктот за собирање на оружје и муниција за организацијата.
На 26.10.1902 година тој загинува на 42 годишна возраст во близина на селото Драгобрашта во Терзиската маала. Таа кобна вечер на 25/26.10.1902 година Ангел Винички бил предаден заедно со уште 9 негови соборци од четата на Михаил С Ганчев.
Битката траела цела вечер за да напладне на 26 Октомври кога аскерот добил засилување доаѓаат и последните моменти од животот на Ангел Винички. Откако го истрелал и последниот куршум од неговиот револвер настанала потполна тишина, турците си помислиле дека ќе се предаде но Ангел Винички седнал на земјата и почнал да се расоблекува. Ги тргнал од себе сите реденици за патрони, појасот, неговиот џебен часовник, револверот, ја зел неговата кама во рака и силно си ја забодел во срцето и со тоа се самоубил и непаднал во рацете на аскерот. На погребот присуствувале сите селани од с.Драгобрашта и на истиот, началникот на турскиот асќер и останатите војници им одале заслужена војничка почест на Ангел Винички и неговите соборци.
Ангел Димитров Винички 1860-1902 ќе биде запаметен како прв и најверен курир на Гоце Делчев кој во една прилика за него ќе каже “Еден редок селанин со вродени добродетели и ретки увлеченија на револуционер, кој цврсто е посветен на организацијата и секогаш подготвен да изгори во огнот за слободна Македонија. Незаменлив деец на организацијата од самото нејзино основање”.
Ангел Винички е маркантна личност од предилинденскиот и илинденскиот период од овој крај. Пренесувал муниција и оружје од работилницата за оружје во селото Саблер кај Кустенил, денешна Република Бугарија. Муницијата ја пренесувал преку тајни канали низ Осоговијата до село Драгобрашта каде што бил и собирниот пунк на организацијата. За Ангел Винички се испеани и неколку народни песни за неговото херојско дело.
Креирано од:
СЛИЧНИ ОБЈАВИ
По ѕверското мачење на бугарските фашистички окупатори на денешен ден пред 83 години згаснале животите на Страшо Пинџур и Мирче Ацев
Свети Николе наголемо се подготвува за чествувањето на патронот на градот “Св. Николај”
Фолклорната магија на Ансамбл “Македонија” предизвика стоечки овации на публиката во Делчево