“Штотуку ме информираа дека во текот на вчерашниот ден полицијата и агенти на АНБ правеле претреси и малтретирале граѓани за кои се сомневаат дека го сликале возилото со кое се вршеше следење и документирање на активностите на Претседателот на ВМРО-ДПМНЕ за време на неговата посета во Прилеп.
Според тоа што сум информиран, 3 (тројца) македонски граѓани биле испрашувани кој го сликал возилото.
Полицијата на Оливер Спасовски продолжува да малтретира граѓани само затоа што истите не сакаат да им се потчинат на анти-државниот концепт на СДС и ДУИ.
Злоупотребата и на МВР и во АНБ исклучиво во партиски цели е видлива и тоа сите го гледаат, а за жал и го чувствуваат.
Еве за да не ги малтретираат граѓаните, јавно потврдувам дека лично јас го сликав возилото на оперативците на АНБ и истото го објавив на социјални мрежи затоа што тоа е доказ дека дека АНБ не е реформирана и крши основни човекови права по наредба на Виктор Димовски и Оливер Спасовски.
Наместо да си дадат оставки што живи ги фативме како ги кршат темелните Уставни вредности, овие двајца продолжуваат да малтретираат граѓани.
Ги имаме имињата на партиските послушници, а постојат и други докази за кои поединци ќе треба да одговараат после промената на власта и ослободувањето на институциите.
-фејсбук статус на пратеникот Драган Ковачки.
Креирано од:
СЛИЧНИ ОБЈАВИ
Николоски: Брзата пруга станува реален проект. За час и половина ќе се стигнува до Солун
Николоски: Имаме пет клучни проекти во здравството кои ќе ги реализираме благодарение на договорот со Велика Британија, а наша амбиција е и модерен клинички во Скопје
Енергетската заедница го поздрави новиот Закон за енергетика: Значајна пресвртница, Македонија е на пат кон европскиот енергетски пазар