Песни , ора , зури и тапани вчера одекнуваа во Владимирово на Владимерските Илинденски средби, која секоја година традиционално се одржуваат на Илинден. Владимирово наредните пет дена ќе биде центар на културна програма, традиција и обичаи. За Илинден свој настап имаа Културно уметничкото друштво кое работи во склоп на Домот на Културата ,,Димитар Беровски” а специјална гостинка на вечерта беше Групата Модус со естрадната уметничка Благица Калева.
Следниве денови ќе има богата програма , вклучувајќи ја и архиерејската литургија во црквата св. Илија, каде што се собираат многу луѓе традиционално делејќи Илинденски ручек. На ваквите средби помладите генерации имаат можност да се запознаат со традицијата ,обичаите, приказните кои ги раскажуваат постарите, за времето кое поминало и како среќно се живеело порано. Оваа празнична Илинденска традиција ќе ја продолжат и наредните генерации.
Симбол на Владимирските Илинденски средби е малешевското оро кое без прекин се игра со денови , а населението порачува
,,Ладимерци дека и да сте за Илинден дома да сте “.
