Политичката партија Левица упати соопштение со кое ја информира јавноста дека ширум државата каде партијата има свои советници во општинските совети побараа од надлежните пренесување на седниците на Советите во живо.
Ваквото барање беше едно од предизборните ветувања на Левица, со цел да обезбедат изворно информирање на граѓаните за одлуките и работата на советите ширум државата.
“Денес советниците на Левица ширум Републиката, побараа пренос на седниците на Советите во живо – нешто што е во законската одредба, со цел граѓаните да имаат директен увид во работата на советите.
Во некои од општините, како што е случајот во Советот на Општина Штип, веќе се применува оваа пракса, но мораме да потенцираме дека не е во целост спроведена, односно дека има технички пропусти во преносот, па поради тоа треба да се интервенира во однос на техничката поддршка.За општините каде што нема ваква пракса, очекуваме при прва следна седница истата да биде спроведена и СЕДНИЦИТЕ да бидат соодветно пренесувани во живо од страна на општината, бидејќи општината е должна на граѓаните јавно да им обезбеди достапност до седниците на Советот, според Член 8 од Законот за Локалана самоуправа.
Меѓудругото, се бориме за се’ помасовна употреба на Уставното име усвоено со Референдумот од 1991 година, коешто формално правно е, и мора да биде во употреба, бидејќи промената на името со референдумската одлука донесена на рефрендумот во 2018 година е противуставна и спротивна на изразената волја на граѓаните. Поради ова, на денешната седница во општина Штип, претставникот на Левица во Советот, остро застана зад позициите на ставот на партијата – свечената изјава да биде потпишана како што е пропишана во Законот за локална самоуправа – односно со името – Република Македонија!
Освен во Општина Штип, свечена изјава со Уставното име Република Македонија, беше потпишана и од страна на советниците на Левица во Општина Аеродром.#ЛевицаОдСоветите“
-стои во соопштението на Левица упатено преку социјалните мрежи.
Креирано од:
СЛИЧНИ ОБЈАВИ
Огромен успех на Македонската дипломатија” Стигна потврда од ООН
Битиќи: Нова манипулација на Мицкоски за БДП, со инфлација од 5,7% животниот стандард паѓа.
Амфенол технолоџи Македонија организира екоакција по повод Светскиот ден за заштита на животната средина во Кочани