Денеска на прес конференција од општинскиот комитет на ВМРО-ДПМНЕ од Штип реагираа во врска со вработување на “партиски послушници” во ЈП Стипион.
Игор Ефтимов од Општинскиот комитет на ВМРО-ДПМНЕ од Штип соопшти дека ЈП Стипион го следи примерот на Општина Штип и неконтролирано ја полни јавната администрација со нови вработени.
Целата прес конференција на Ефтимов ја пренесуваме во продолжение:
“Оваа власт нема „ни срам, ни перде“!
Создавајќи поголемо гласачко тело, секојдневно го трошат народниот буџет, вработувајќи партиски послушници!
Во тек е оглас за 6 нови вработувања во ЈП Стипион, кој сите нас ќе нѐ чини баснословни 30.500 евра на годишно ниво.
Ако на високите функционери од СДС не им оди добро математика, мора да им посочиме дека за овие пари можат да асфалтираат улица, да направат паркови, тротоари или спортски игралишта.
Но, очигледно е дека Стипион го следи примерот на Општина Штип и неконтролирано ја полни јавната администрација со нови вработени.
Јасно е дека оваа изборна година, приоритетно за СДС е да се трошат народни пари за вработување на своето членство, а не за подобрување на животот на граѓаните! “
Креирано од:
СЛИЧНИ ОБЈАВИ
Директор на јавното претпријатие во Македонска Каменица осомничен за злоупотреба на службената положба и овластување
32 годишен штипјанец нападнал референт во ЈП “Национални шуми”
Кривична за 56 годишен беровец кој поттикнувал омраза на социјални мрежи