БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Министерот Тошковски денес ги посети ДПД и ТППЕ Kочани: Ќе направам сè што е во моја моќ за да ги поддржиме овие храбри луѓе

HTML Image as link Имате потреба од нов веб сајт?
An image from Squarespace
Пренеси го гласот

Денешната теренска агенда Министерот за внатрешни работи Панче Тошковски ја помина во општини и локации во нашиот Брегалнички регион. Претпладне Министерот Тошковски го посети туристичкиот Локалитет Пониква каде што присуствуваше на заеднички ручек со децата и семејствата на загинатите бранители.

“Жртвата која тие ја дале е најголемата, ултимативната, изгубиле свој близок во одбрана на татковината. Тоа ни создава залог и аманет секогаш да сме тука за нив, да ги почитуваме и да ги оствариме нивните барања во рамки на надлежностите кои ги имаме. Се потсетивме на хероите, чие дело не поврзува и обврзува,”

-пораче Министерот Тошковски од Пониква.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Во продолжение на неговата посета на Кочани Министерот Тошковски ги посети пожарникарите до Доброволното Противпожарно Друштво од Кочани како и службените лица од ТППЕ Кочани. Министерот Тошковски се запозна со капацитетите на овие две противпожарни екипи кои што беа најистурен фронт на пожарите кои што ја зафатија општина Кочани но и поширокито регион во изминатите години.

“Во рамки на денешниот престој во кочанскиот крај ги посетив припадниците на Доброволното противпожарно друштво Кочани и Територијалната противпожарна единица Кочани. Овие храбри луѓе, со огромна посветеност ги покриваат не само Кочани, туку и општините Зрновци и Чешиново-Облешево.

Со 324 пожари само во 2024 година, нивната одговорност е огромна, а меѓусебната соработка меѓу ДПД и ТППЕ е на завидно ниво. Имав можност да ги видам нивните ресурси, да ги слушнам предизвиците со кои се соочуваат и да разговараме за тоа како да изградиме поефикасен систем за справување со пожари и елементарни непогоди.

Јасно е дека се потребни сериозни системски реформи за да обезбедиме брза, ефикасна и координирана реакција во секоја кризна ситуација. Како министер ќе направам сè што е во моја моќ за да ги поддржиме овие храбри луѓе и заеднички да вложуваме во иднината на доброволните противпожарни друштва.

Благодарност до сите пожарникари и доброволци за нивната пожртвувана работа која е од непроценливо значење за безбедноста на нашите граѓани,”

-порача од Кочани Министерот Тошковски.

Креирано од:


Пренеси го гласот