Лозарството во Македонија има огромна традиција помеѓу граѓаните, особено во тиквешијата каде што успеваат најдобрата винова лоза, чие што вино е конкурентно вомцелиот свет. Министерот за култура и туризам во чиј што домен е и промоцијата на оваа прекрасна традиција на Македонските граѓани, во придружба со амбасадорката на САД во Македонија Н.Е. Анџела Агелар го посети срцето на Тиквешијата Кавадарци каде што учествуваше на настан за одбележување на денешниот голем христијански празник.
“Денес заедно со градоначалникот на Кавадарци, Митко Јанчев го одбележавме празникот на лозарите, Св. Трифун! 
Нека Св.Трифун донесе благослов на нашите лозја, изобилство од квалитетни родови и здрави лози.
Виното не е само пијалок, туку и дел од нашата историја и традиција. Со развојот на винскиот туризам, имаме уникатна можност да ја споделиме нашата култура и вкусот на нашите винарии. Нека Св. Трифун нè поттикне да продолжиме да ја промовираме нашата винска култура а Македонија да стане атрактивна дестинација за туристите.
Посакувам радост, успех и обилни берби!”
-стои во пораката на Министерот за култура и туризам Зоран Љутков по повод денешниот празник посветен на лозарите.
Креирано од:
СЛИЧНИ ОБЈАВИ
Чешиново-Облешево доби нов, модерен простор за рекреација на најмладите
Македонскиот Премиер упати пораки за улогата на новите инвестиции за потребите на Македонска пошта
Нова ера во работата на Македонски пошти