Денеска (02.07.2026), полициски службеници од повеќе организациски единици на Министерството за внатрешни работи спроведоа превентивно-едукативни активности насочени кон заштита на имотот на граѓаните, превенција од пожари и унапредување на безбедноста во сообраќајот.
Во Велес, Неготино и Скопје беа реализирани активности под мотото „Не оставајте вредни предмети во вашиот автомобил“, при што на граѓаните им беше укажано на важноста од заштита на нивниот имот и одговорно однесување при паркирање на возилата.
Во Штип, Свети Николе, Пробиштип, Богомила и Росоман беа спроведени превентивни активности за заштита од пожари на отворен простор и спречување на бесправна сеча, при што беше потенцирана потребата од внимателно однесување и навремено пријавување на несовесни постапки.
Во Кочани, Штип и Скопје беа реализирани и сообраќајно-превентивни кампањи за одговорно паркирање, безбедно користење електрични тротинети, велосипеди и мотоцикли, како и за поголема заштита на пешаците.
Во рамките на сите активности, на граѓаните им беше поделен едукативен материјал со цел подигнување на јавната свест и унапредување на безбедносната култура.

СЛИЧНИ ОБЈАВИ
Поднесено обвинение за телесна повреда при семејно насилство во Битола
Предложен притвор за загрозување на сигурноста во Куманово
Потпишан петгодишен протокол за соработка со Универзитетот Тракија: обука за македонските здравствени работници во Едрене