Напредува обновата на комуналната инфраструктурната во градот Штип. Градоначалникот на општина Штип Иван Јорданов денеска на лице место ја објави замената на водоводната и канализационата инсталација за жителите кои што живеат по должина на улицата Солидарност во рамки на неговите програмски определби ветени пред штипјани. Станува збор за проект финансиран од парите на граѓаните прибрани преку буџетот на општина Штип, што е најдобра примена на нивните пари за нивни сопствени потреби. По замената на водоводот и канализацијата и приклучување на сите домаќинства на новите линии, ќе следува целосно асфалтирање на улицата со што за наредните повеќе години жителите на оваа улица ќе добијат многу подобри услови за живот од досегашните.
“Од денес на Ул.Солидарност започнуваме со замена на застарената со нова водоводна и канализациона мрежа.
Инвестицијата е во вредност од 1.712.000 денари од буџетот на Општина Штип, од парите на граѓаните. Веднаш после завршување на овој зафат, ќе пристапиме кон асфалтирање на оваа улица, проект финансиран од Светска банка.
Населба Автокоманда после децении ќе добие модерен, функционален и урбан изглед, а проблемите со честите дефекти на водоводната и канализациона мрежа ќе бидат минато.”
-информираше денес Иван Јорданов- Градоначалник на Штип.
Креирано од:
СЛИЧНИ ОБЈАВИ
Директор на јавното претпријатие во Македонска Каменица осомничен за злоупотреба на службената положба и овластување
32 годишен штипјанец нападнал референт во ЈП “Национални шуми”
Кривична за 56 годишен беровец кој поттикнувал омраза на социјални мрежи