Пратеникот Драган Ковачки од редовите на ВМРО-ДПМНЕ преку социјалните мрежи упати став на пратеничката група на опозициската партија во врска со предложените измени на законот за скужба во АРМ.
“Почитувани поранешни и сегашни припадници на АРМ,
Денеска на дневен ред во Собранието на Република Македонија се предлог-измените на Законот за Служба во АРМ.
Сакам да ве информирам дека ние како пратеници на ВМРО-ДПМНЕ и на коалицијата за Обнова на Македонија, секогаш сме на страната на мажите и жените во униформа, затоа што тие си ја знаат својата должност и професија и заслужуваат соодветно да бидат вреднувани, за разлика од политичката елита на власт која ги распродава македонските национални интереси без притоа да води сметка за трајните штети и последици кои и’ ги нанесува на државата и на народот.
Како пратеничка група, во изминатиот период во неколку наврати поднесувавме измени на Законот кои за жал беа кочени од страна на власта, а подоцна токму тие решенија и предлози беа преземени од СДСМ и денеска ги имаме на дневен ред во Собранието.
Во предлог-измените на Законот што денеска е на дневен ред се вклучени нашите забелешки за подобрување на статусот на војниците, на лицата кои треба да заминат во пензија (а чекаат веќе 20 месеци), зголемување на платите, зголемување на пензиите на веќе пензионираните воени лица чиишто пензии се помали од лицата кои сега заминуваат во пензија итн.
Од тие причини, ние како пратеничка група, даваме поддршка и ќе гласаме ЗА овие предлог-измени.
Да сте живи и здрави,
Да живее АРМ,
Да живее Македонија.”
-напиша Драган Ковачки од ВМРО-ДПМНЕ.
Креирано од:
СЛИЧНИ ОБЈАВИ
Заменик-министерот Ристески се обрати на отворањето на Првиот Бизнис форум во општина Делчево „Заедно да подадеме рака на развојот“
ДКСК го објави Каталогот на пријавени подароци за избрани и именувани лица за 2025 година
Финансиска полиција поднесе пријава против поранешен претседател на Стоматолошката комора на Македонија