Затоплување на домовите – квалитетно, поевтино, еколошки поповолно!
Преку реализацијата на топлификациски проекти во кои како погонско гориво се јавува природниот гас, ќе се добие поевтина топлинска енергија за затоплување на домаќинствата, јавните објекти и индустријата. За да се подобри заштитата на животната средина, а да се постигнат повисоки стандарди за живот и поголем комфор на граѓаните при снабдување со топлинска енергија за греење на домовите, во следните четири години ќе ги реализираме следните проекти:
Изградба на систем за топлификација на Битола, Могила и Новаци со снабдување со топлинска енергија од РЕК Битола
Проширување на топлификациската мрежа во Скопје
Изработка на студија за поврзување на дистрибутивните топлификациони системи на БЕГ, Подружница Енергетика и Скопје Север
Инсталирање на вреловодни котли во подружница енергетика во Скопје
Топлификација на Делчево и Македонска Каменица после изградбата на конегеративната централа Исток.
Со реализацијата на овие мерки ќе обезбедиме намалување на загадувањето на животната средина со штетни и канцерогени материи. Во исто време, граѓаните ќе имаат можност да користат поевтина енергија за загревање на домовите, со највисок комфор на живеење.
Втората цел и придобивка е намалување на користењето на дрвото како основно средство за греење, при што се елиминира емисијата на штетни матери создадени при согорувањето. Уште поважно е намалување на немилосрдното, непланско и диво сечење на шумите, со што се намачува можноста за еродирање на почвата и создавање на услови за поплави.
Ќе ја ОБНОВИМЕ нашата Македонија!
Заокружи 14!
Комисија за енергетика на ВМРО – ДПМНЕ
