По завршувањето на вториот круг од локалните избори и по победата на Благој Бочварски во Штип на сметката на ЈП Исар осамнаа нула денари. Имено, информациите говорат дека на вработените во ЈП Исар им било соопштено дека платата за тековниот месец ќе доцни најмалку една недела бидејќи на сметката на претпријатието имало нула денари.
Причината за ваквата состојба како што пренесуваат засегнатите страни е поради тоа што ЈП Исар им исплаќал на своите должници па сега работниците ќе треба да чекаат да се соберат пари од граѓаните за да може да им биде исплатена плата.
Ова упатува на прашањето дали навистина во ЈП Исар снема пари или промената на власта во Штип доведе и до промена на инетот на директорот Ангел Бојаџиев. Дека повеќе се работи за инает одшто за тоа дека нема пари говори и фактот дека до пред само еден месец вработените во ЈП Исар редовно во законскиот рок земаа плата. Како ќе се разреши оваа ситуација и што навистина се случува останува да видиме а до тогаш 400 вработени во ЈП ќе живеат во надеж дека за брзо време ќе им биде исплатено за тоа што го сработиле.
Креирано од:
СЛИЧНИ ОБЈАВИ
Традицијата на боречкиот спорт во Карбинци има убава перспектива
Физички напад во угостителски објект во Штип
Расчистен запуштениот простор околу поранешниот хотел „Турист“