Со пригодна програма беше одбележана 5-годишнината од формирањето на Доброволното противпожарно друштво, кое во изминатите години со својата работа и посветеност даде значаен придонес во заштитата и безбедноста на заедницата.
Во рамки на одбележувањето се одржа натпревар во противпожарни и спасувачки вештини, каде учесниците ги покажаа своите знаења, вештини и подготвеност за дејствување при пожари, природни непогоди, катастрофи и спасувачки акции.
Во натпреварувачките активности учествуваа и ученици од основните училишта, кои преку практични задачи, натпревар и дружење имаа можност поблиску да се запознаат со работата на доброволните пожарникари и нивната важна улога во заедницата. На интересен и непосреден начин, најмладите учеа и за значењето на тимската работа, одговорноста, хуманоста и подготвеноста да се помогне кога е најпотребно.
Јубилејот беше можност и за средба, дружење и размена на искуства со учесниците и гостите од Бугарија, Словенија и Србија, со што уште еднаш се потврди значењето на соработката и поврзувањето меѓу доброволните противпожарни друштва.
Настанот го отвори градоначалникот Владко Грозданов, кој ја истакна успешната соработка со ДПД и упати благодарност до неговите членови за нивниот ангажман, храброст, пожртвуваност и посветеност во бројните интервенции и ситуации во кои несебично се ставаат во служба на граѓаните.
За само пет години, ДПД Кочани со својата организираност, работа и посветеност стана пример за тоа како се гради и развива доброволното пожарникарство и како се создава тим на кој заедницата може да се потпре.
Честит 5-годишен јубилеј и уште многу години успешна работа, заедништво и нови успеси!
Креирано од:
СЛИЧНИ ОБЈАВИ
Манифестацијата “Пијанечки денови на сливата 2026“, познатата „Сливијада“ утре во село Град доживува нова енергија за развој
Учениците на СОУ „Миле Јаневски Џингар“ Македонска Каменица го посетија Спомен домот на Разловечкото востание во село Разловци
Ј А В Е Н П О В И К до евидентирани невработени лица за вклучување во Програмата Општинско – корисна работа