Денес учениците од СУГС „Раде Јовчевски-Корчагин“ – Скопје учествуваа во едукативната активност „Имам став!“, организирана од Парламентарниот институт.
Преку симулација на парламентарна расправа, средношколците презентираа предлог-решенија и ги бранеа своите ставови на три значајни теми: зголемување на учеството на младите во културниот живот, развој и промоција на туризмот во руралните средини и системско справување со врсничкото насилство.
За поголемо културно учество, учениците предложија младите да станат активни организатори на културни програми, со поддршка од училиштата, локалните самоуправи и културните институции. За развој на руралниот туризам предложија подобрување на патната инфраструктура и создавање веб-страница за промоција на туристичките места и следење на инфраструктурните подобрувања. Во справувањето со врсничкото насилство ја истакнаа потребата од безбедни канали за пријавување, навремена институционална реакција и поголема соработка меѓу училиштата и семејствата.
Нивната работа ја оценуваше комисија во состав: пратениците Фатмир Битиќи и Сергеј Попов, и Соња Стаменковска од Парламентарниот институт.
Честитки до учениците и нивниот ментор за подготовката и ангажманот! „Имам став!“ им овозможува на младите да развиваат критичко размислување, да аргументираат, да слушаат различни мислења и преку дијалог да бараат решенија за прашањата што ги засегаат
Извор: Собрание на РМ
Креирано од:
СЛИЧНИ ОБЈАВИ
Напредува процесот за новиот експресен пат Кочани- Делчево согласно предвидената динамика: Презентација на техничкото решение во Делчево
Градоначалникот на Делчево Гоцевски оствари средба со активисти на невладината организација “Жена” од Делчево
Тошковски на промоцијата на Националната стратегија: Значително намален бројот на жртви во сообраќајот, Македонија во конкуренција за светско признание за сообраќајна безбедност на светскиот полициски самит во Дубаи