На отворената трибина пред граѓаните на Гостивар свое обраќање имаше и потпретседателот на СДСМ Оливер Спасовски и Министер за внатрешни работи во владата на Зоран Заев.
Тој пред гостиварчани меѓу другото зборуваше и за тоа колку актуелната власт инвестирала финансиски сретства во Гостивар.
Спасовски истакна дека во изминатите години во Гостивар инвестирани се над седум милиони евра само во инфраструктурата, за да се развие и општината, но и и населените места во тој регион.
„За нас врвен приоритет е вложувањето во општините, врвен приоритет ни е локалниот и регионалниот рамномерен развој. Тоа го покажуваме со конкретни проекти. Го реконструиравме патот Гостивар – Колари, наскоро започнува изградба на патот Гостивар – Букојчани – Кичево, кога се работи за најмладите овде во Гостивар како централна власт вложивме во две градинки, а наскоро започнува изградба на уште една градинка со капацитет од околу 90 деца, за чија што изградба се чека само одобрение за градба“ порача Спасовски.

СЛИЧНИ ОБЈАВИ
Николоски: Изградбата на автопатот Охрид-Кичево се одвива по план, она што беше невозможно станува реалност
Кривина пријава за 19 годишен кочанчанец за полово вознемирување
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист