“ Уставните судии расчистија една голема владина лага. Владата демек води кампања за европска Македонија, но судиите ги отфрлија иницијативите на Светскиот Македонски Конгрес и на Левица за поништување на Одлуката за распишување на референдум со образложение, дека референдумското прашање не е за ЕУ и НАТО, туку за Договорот со Грција за промена на името на државата во Северна Македонија и трансформација на државата Македонија во територија без народ и историја. Иронијата да биде поголема, уставните судии беа контрадикторни. Отфрлија расправа за Договорот за Грција затоа што тој не бил предмет на разгледување, туку само Одлуката за распишување на референдумот, а содржината на Одлуката за распишување на референдумот е токму референдумското прашање. Судот, за жал, скандалозно, дури сметаше дека Европската Унија не е ни сојуз на држави и затоа референдумот не подлежи на процедурата од членот 120 на Уставот: Одлуката се донесува од двотретинско мнозинство гласови (80) од вкупниот број пратеници (120) а стапува во сила кога за неа ќе гласаат ЗА мнозинството (904.000) од вкупниот број запишани избирачи (1.808.000). Рекоа и го погазија референдумот од 8 септември 1991 година кога народот во апсолутно мнозинство гласаше “ЗА СУВЕРЕНА И САМОСТОЈНА ДРЖАВА МАКЕДОНИЈА” без додавки и без придавки. Одлуката од референдумот е задолжителна за сите, па и за уставните судии!
Очигледен беше притисокот врз уставните судии. Ги разоткри, видно возбуден, уставниот судија Јован Јосифовски, кој укажа дека избрани се со свечена изјава дека ќе го штитат Уставот и законите, правата и слободите, правната држава. Го праша претседателот на Судот, Никола Ивановски, зошто биле, од кого, каде повикани и што им е сугерирано на сите седум судии кои гласаа против поништувањето на референдумот, зошто не биле поканети и тој и судијата Елена Гошева на тие разговори. Репликата од претседателот на Уставниот суд беше “Што се тресиш кога зборуваш!” Алооо, има ли државава јавен обвинител?
Затоа: Бојкотирам значи НЕ ГЛАСАМ!”
– Напиша Петров
Креирано од:
СЛИЧНИ ОБЈАВИ
Миџкалис Рохас се сретна со невладини организации за да го презентира Извештајот на Европската Комисија за напредокот на Македонија
Обвинение за организација на борби со кучиња
Лишена од слобода радовишанка поради лажна дојава за бомба во училиште во Радовиш, поднесена е кривична пријава