По снежните врнежи кои што денеска го покрија Делчево со бела снежна покривка, доцна попладнево повеќе млади делчевчани спроведоа акција за чистење на патеката за влез во службените простории на општина Делчево и до канцеларијата на Градоначалникот Горан Трајковски.
Активисти на УМС на ВМРО-ДПМНЕ Делчево кои што ја организираа оваа акција наспроти заспаноста на општинските служби за чистење на улиците низ Делчево, на симболичен начин укажаа за неспособноста на Горан Трајковски за справување со последиците од овој мал февруарски снег кој предизвика повеќе проблеми низ градот.
Притоа подмладокот на опозициската ВМРО-ДПМНЕ во Делчево ја упатија сл. реакција по тој повод:
“Сообраќајот по делчевските улици се одвива отежнато поради снежната покривка која надлежните не најдоа време да ја отстранат.
Затоа Унијата на млади сили, како одговорна младина, реши да го расчисти барем патот до фотелјата на господинот градоначалник.
Господине Трајковски, патот до топлата канцеларија ви е прооден, за друго не мора да се грижите. Ќе се снајдат делчевчани сами како и секогаш.
#КогаНемаКојМораУМС
#УМСнаПотег”
Фејсбук статус на УМС НА ВМРО-ДПМНЕ ДЕЛЧЕЕВО

СЛИЧНИ ОБЈАВИ
По средбата со градоначалникот на Кочани Грозданов претставниците од Здружението 16 март 2025 порачаа: Не сакаме Кочани да биде град во кој ќе згасне радоста!
Обраќање на градоначалникот Владко Грозданов – благодарност до амбасадорот на Република Полска, Н. Е. Мариуш Бримора
Одбележан Денот на претприемачот во Кочани: Илјада лалиња и разговори за заедничка иднина