Ванчо Николески: “На Сандански”

Со векови твoјте борови шумат
те капе златест априлски сјај
со векови плиска пенлива Струма
низ тебе роден Пирински крај!

Чувствувам волност Пиринска горо
да викнам песна в просторот син
ми блика радост да пеам и зборам
за тебе, Јане, народен син!

Да кликнам песна би сакал силна,
песната стара за тебе дар,
како си Јане Родина бранел
со каква гордост љубов и жар!

Си згрнал народ под Гоцево знаме
да стресеш ропство и темен гнет
в народнн срца запалил пламен
да фрлат јарем султански клет.

Бегови, аги крвни си мразел
и секој феуд – народен враг,
в Република земја сакаше да видиш, –
в слобода грејнат татков праг!

И подарок песна денес ти давам
ка тебе вечен Пирински џин,
за нашата гордост и твојата слава
ти пеам песна, народен син!

Ванчо Николески

(Црвена Вода, Охридско, 10 јуни 1912 – Црвена Вода, Охридско, 15 април 1980)

Стихотворбата е извадок од стихозбирката “Моето село” издадена во 1950 година од страна на младинското книгоиздателство “Ново поколение” од Скопје 

Креирано од:

Кирчо Анастасов

administrator

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ
Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram,
Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author's posts