НЕИСПОЛНЕТИОТ АМАНЕТ НА ПОП БОРИС
На Поп Борис рацете да му се позлатат
За липите во црковниот двор што ги засади
И за грижата и за негата и за љубовта
Што им ја даруваше, та дури храмот го надвишија..
И кога Поп Борис службено го преселија
Ги благослови липите
И аманет остави
На верниците
На селаните
На наследниците.
О, чеда Божји ве заветувам
Чувајте ги липите,
Дворот црковен да го красат
Лисјата нивни чудесно да треперат
Кога камбаните црковни се гласат.
И пак и пак ве заветувам
Мирисот од цветовите на липите
На мирис од темјан да ве потсетува.
По изминати повеќе лета
Некои што биле должни да паметат
Чинам ненамерно
Или ,не дај Господи , злонамерно
На аманетот заборавиле
И зулум направиле.
Ги пресекле липите,
Леле ги пресекле липите,
За пари трупците да ги продадат.
Какво безобразие,
Какво безочие
Какво богохулие
Какво безвластие
Какво безумие.
Прости им Господе, не знаеле што прават
Прости ни Господи и нам грешните
Што пред гревот да биде сторен
Уста не сме отвориле.
Пишува: Васил МАНЕВСКИ
Авторот е доајен на Пијанечкото новинарство, писател, патеписец, хроничар, поет.
Долгогодишен новинар на весникот Нова Македонија, дописник од Пијанец за Македонската информативна агенција, автор на голем број трудови со роднокрајна тематика
Автор на многу документарни радио и тв емисии.
Во наредниот период преку нашиот портал ќе објавиме дел од творештвото на овој значаен и плоден творец од Пијанечкото поднебје.
Креирано од:
СЛИЧНИ ОБЈАВИ
Чешиново-Облешево доби нов, модерен простор за рекреација на најмладите
Македонскиот Премиер упати пораки за улогата на новите инвестиции за потребите на Македонска пошта
Нова ера во работата на Македонски пошти