Градоначалникот на општина Велес Марко Колев согласно неговите определби за афирмација на локалните вредности на Велес, но и афирмација на безвременското дело на Македонскиот поет Кочо Рацин, во јавноста ги пренесува активностите кои што се реализираат во рамки на 63 Рацинови средби во Велес.
“Продолжуваат активностите во чест на Рацин!
Во рамки на 63. Рацинови средби, во ЛУ Библиотека „Гоце Делчев“ се одржа промоцијата на монографијата „Кон творештвото на Васил Тоциновски“ од авторот Васил Дрвошанов. За значењето и вредноста на делото говореше промоторот Мишо Китановски, осврнувајќи се на богатото творештво и трајниот белег што Васил Тоциновски го остава во македонската книжевност и култура.
Веднаш потоа во Спомен-куќата на Рацин се одржа традиционалното „Сокаче на поезијата“, каде велешките поети преку поетско читање ја оживеаја магијата на пишаниот збор. Во рамки на настанот беше промовирано и списанието „Велес“, со промотор Васил Тоциновски.
Рацин е гордост, Рацин е Велес: 63. Рацинови средби продолжуваат!”
-напиша на социјалните мрежи Градоначалникот Колев во врска со овие активности.
Креирано од:
СЛИЧНИ ОБЈАВИ
dm повторно го отвора еко-конкурсот „Зелена иднина: од градинка до училиште“ – пријавете го вашиот двор за раззеленување!
Министерството за здравство и СЗО организираа национална консултација за новиот Закон за лекови
Тошковски: По повеќе од 15 години запуштеност и негрижа, базенот во Полициската академија во Идризово повторно е во функција