БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Започна размотување на клопчето за осудените во случајот од 27 април. Дали ќе одговараат инволвираните судии?

HTML Image as link Имате потреба од нов веб сајт?
An image from Squarespace
Пренеси го гласот

Притворот на Душко Лазаров ќе биде оценуван од судот во Стразбур. Неговата жалба ја минала првата фаза на одобрување во Европскиот суд за човекови права, по што сега останува да се чека одлуката за притворот кој предизвика бура реакции во јавноста. Тони Менкиноски, адвокатот на првостепено осудениот на 15 години за настаните од 27 април, за Алфа вели дека доколку во Стразбур биде прифатена жалбата на Лазаров, тогаш според закон одбраната ќе побара разрешување на сите судии, објавува Алфа.

-Се работи за повреда каде се инфицирани сите судски инстанции. Се работи за повреда на Основниот суд, Апелациониот и Врховниот суд. Почетокот на оваа постапка значи и носење скоро и на одлука, изјави ТОНИ МЕНКИНОСКИ- адвокат на Душко Лазаров

Инаку, Врховниот суд повеќе од пет месеци не одговараше на жалбата за притворот на Душко Лазаров, кој доби драконска пресуда за собраниските настани. Неговата ќерка, Марија Лазарова пред камерата на Алфа кажа дека тој е осуден без никакви докази, бидејќи не сторил нешто што не му било обврска.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Менкиноски вели со одлуката на судот во Стразбур стартува меѓународно испитување на целиот судски процес за настаните од 27 април, а не само за Лазаров.

-Предметот на Душко Лазаров е почеток на меѓународниот мониторинг и надзор на целокупниот предмет за 27 април, кој го има епитетот на политички предмет, каде постои сосема јасна и транспарентна повреда на правото на правично судење пред непристрасен трибунал, дополнува Менкиноски

Од семејството на Душко Лазаров за Алфа велат дека доколку биде прифатена жалбата, тие ќе одат со кривични пријави против судиите, кои одлучуваа за притворот на Лазаров.

Креирано од:


Пренеси го гласот