Поранешни високо позиционирани функционери на ВМРО-ДПМНЕ како во партијата така и во инсталациите на државата, поведоа своја хајка против актуелното раководство на партијата со јавно организирани прес конференции.
Во основа ваквата ПР хајка започна со обраќања во јавноста на поранешниот директор на УБК Сашо Мијалков кој првенствено ги изрази своите спротивставени ставови против политиките на актуелното раководство на ВМРО-ДПМНЕ предводено од Претседателот Христијан Мицкоски.
Хајката продолжи со неодамна организираното групно обраќање на поранешни директори, градоначалници и останати високи функционери од пред влезот на Централниот штаб на партијата. Овој настан беше по многу свои карактеристики индикативен и проблематичен.
Во јавноста испливаа фотографии на површина на кои се гледа како дел од учесниците на овој прес излегуваат пред почетокот на пресот од хотелот Мериот во центарот на Скопје, а по завршувањето повторно влегуваат таму.
Дополнително индикативно е што за читач на пресот на оваа група беше избрана Весна Дамчевска Илиевска која што потекнува од Општинскиот комитет на ВМРО-ДПМНЕ во Бутел. Во оваа скопска населба ВМРО-ДПМНЕ освои убедлива победа над СДСМ со околу 1500 гласови разлика, што веројатно е причина за обидот за внесување на раскол помеѓу членството на овој општински комитет.
За ваквата постапка на повеќе поранешни функционери на партијата со свое соопштение во јавноста се обратија од ОК на ВМРО-ДПМНЕ Бутел:
“СООПШТЕНИЕ
Почитувани членови и симпатизери на ВМРО-ДПМНЕ ОК Бутел,
Општинскиот Комитет на ВМРО-ДПМНЕ ОК Бутел целосно се оградува од поранешните функционери на ВМРО-ДПМНЕ: Петре Латиновски поранешен Градоначалник и Весна Дамчевска Илиевска поранешен пратеник двајцата членови на ОК Бутел, имено оградувањето е посочено кон овие луѓе бидејки беа дел од неодамнешната иницијатива за свикување на вондреден конгрес на ВМРО-ДПМНЕ со цел промена на раководството на партијата.
Сите сме свесни дека оваа неодамнешна иницијатива е под диретна насока на луѓе кои го уништија имиџот на ВМРО-ДПМНЕ и токму тие луѓе се вистинскиот товар на нашата партија затоа што енормно се збогатија на грбот на сите чесни членови кои макотрпно работат кога се во прашање сите изборни кампањи.
Секако дека Петре Латиновски и Весна Дамчевска Илиевска не изостануваат од гореспоменатите штетници за партијата, и двајцата имаат неворајтно негативен углед кај граѓаните на Бутел, оние наши членови кои за време на кампања одат на терен знаат дека овие ликови се најомразените ликови од нашите редови, заради тоа со часови се убедуваме со нашите граѓани дека ваквиот тип на кадри се веќе минато во нашата партија, личниот интерес веќе не е приоритет на ниту еден член на ВМРО-ДПМНЕ а камоли функционер.
Исто така сакаме да посочиме дека раководството на ВМРО-ДПМНЕ ОК Бутел во изминатиот период имаше доберливи информации дека Петре Латиновски и Весна Дамчевска Илиевска сите изборни циклуси од 2017 година па навака суптилно но понекогаш и директно работеа против интересите на ВМРО-ДПМНЕ и секако Македонија.
Овие двајца луѓе се можеби функционери кои највеќе имаат добиено во минатото од партијата, постои големо сомнение дека функциите кои ги вршеле во одреден период ги злоупотребиле па одтаму можеби сега се само уценети глави за туѓи интереси.
ВМРО-ДПМНЕ ОК Бутел покрај последната голема победа сонразлика од 1500 гласови на предвремените парламентарни избори, во следниот период уште позасилено ќе продолжи со својата работа за две суштински цели, горда и просперитетна Општина Бутел, унитарна и богата Македонија.
Ова соопштение е со подршка од сите раководни структури на ВМРО-ДПМНЕ ОК Бутел:
-Најтесното раководство на ОК Бутел
-Претседателите на Месните Комитети
-Раководството ма Унијата на Жени и соте претседателки на Месни Комитети
-Раководството на УМС и претседателите на сите Месни Комитети
-Унијата на ветерани
-Ким тимовите
Со почит,
ВМРО-ДПМНЕ ОК Бутел”
