10 секојдневни работи кај нас, што се забранети во Северна Кореја

Демократска Народна Република Кореја или позната како Северна Кореја е држава во Источна Азија која го зазема северниот дел од Корејскиот Полуостров. Главен град на Северна Кореја е Пјонгјанг, а официјален јазик во државата е корејскиот јазик. ДНР Кореја се граничи со Кина на север и со Република Кореја на југ. Во крајниот северен дел има допирна точка и со Русија, преку реката Тумен.

Корејскиот Полуостров бил под управа на Корејската Империја сè додека истиот не бил заземен од Јапонија по Руско-јапонската војна во 1905 година. По 1945 година, по завршувањето на Втората светска војна, полуостровот бил поделен на две влијателни зони, односно јужниот дел бил под управа на САД, а северниот под Русија. Набрзо, двата окупирани дела создале свои владини тела и двете новосоздадени држави тврделе дека целиот полуостров е под нивна контрола што довело до Корејската војна во 1950 година. Оваа Корејска војна завршила со договор во 1953 година, но официјално двете држави сеуште се во војна бидејќи договорот кој го потпишале не бил мировен.В0 1991 година двете држави биле примени како членки на ООН.

ДНР Кореја е еднопартиски систем каде владее Демократскиот фронт за обединување на татковината предводен од Корејската Работничка Партија. Владата на ДНР Кореја ја следи идеологијата на Џуче која се базира на самоподршка и била елаборирана од поранешниот претседател Ким Ил Сунг. По неговата смрт, Ким Ил Сунг бил прогласен за Вечен претседтeл на Републиката. Истовремено, Џуче станала официјална државна политика кога се усвоил уставот од 1972година, иако Кил Ил Сунг ја користел оваа идеологија уште од 1955.

По падот на Советскиот Сојуз, проследен со неколку природни непогоди во ДНР Кореја, државата се соочила со голем глад, што резултирал со смрт на 900.000 до 2 милиони жители. Соочувајќи се со оваа новонастаната ситуација, Ким Џонг Ил го усвоил Сонгунот или „воената политика“ за да ја зацврсти државата и владата. Иако официјално ДНР Кореја е социјалистичка држава, многу странски организации ја посочуваат како тоталитарно сталинистичко диктаторство со силен развиен култ кон Ким Џонг Ил и неговото семејство, проследено со најлоши човекови права во светот. ДНР Кореја е држава со најмногу војска во светот со околу 9.495.000 активен, резервен и паравоен состав. Покрај тоа, ДНР Кореја е држава со нуклеарно оружје и има активна нуклеарна програма. Поради таинственоста на владата и недозволувањето на слободен проток на странски лица во државата, ДНР Кореја се смета за најизолирана држава во светот.

Светот почнува сѐ повеќе да се интересира за Северна Кореја. Лидерот и владата постојано се обидуваат да го заштитат народот од надворешните влијанија со тоа што забрануваат одредени типови фризури и облека. Сето ова уште повеќе го зголемува интересот за луѓето од Северна Кореја и нивниот начин на живот. Ова се 10-те секојдневни работи кај нас, што се забранети во Северна Кореја…

1. Кока-кола

Во Северна Кореја е забранет увозот на Кока-кола, па така, сигурно нема да го најдете овој пијалок таму. Меѓутоа, некои поскапи продавници во Пјонгјанг продаваат Кока-кола но произведена во Кина.

2. Фризури

Ким Џонг-ун дозволува само 18 фризури за жени и 15 за мажи. Ниту една од фризурите не дозволува промена на бојата на косата, така што навистина е тешко да се купи фарба за коса во Северна Кореја.

3. Хигиенски влошки

Хигиенските влошки и тампоните не се дозволени во Северна Кореја. Жените користат старомодни влошки за повторна употреба.

4. Кондоми

Сите видови средства за заштита од бременост се забранети во Северна Кореја, па затоа многу е тешко да се најде кондом во оваа земја. Многу возрасни Севернокорејци со задоволство ќе прифатат кондом како подарок.

5. Приватна сопственост

Владата на Северна Кореја ги поседува сите права на земја и сопственост. Тоа значи дека е невозможно да купувате и продавате куќи и станови. Меѓутоа, луѓето од Северна Кореја нашле начин да го прават тоа, што довело до ублажување на законите оваа година.

6. Новогодишни елки

Северна Кореја официјално е атеистичка земја. Сите верски ритуали се забранети и строго надгледувани од страна на владата. Токму поради тоа, луѓето не смеат да купуваат и поседуваат какви било божиќни украси и новогодишни елки.

7. Кабелска телевизија

Постојат само 4 официјални ТВ канали во земјата. Цензурата од страна на владата е толку силна што не дозволува други типови телевизија.

8. Безжичен интернет и меѓународни повици

Од вкупно 15 милиони жители, само милион Севернокорејци поседуваат мобилен телефон. Меѓутоа, забранети се меѓународните повици. Исто така, има одредени забрани што се однесуваат на користењето 3G мрежа. Странците што влегуваат во земјата треба да купат припејд СИМ картичка за да се јавуваат во странство.

9. Билети за музички концерти

Мал број странци имаат дозвола да настапуваат во Северна Кореја. Па, така, доколку сакате да одите на концерт на вашиот омилен музичар, оваа идеја не доаѓа предвид. Единствениот бенд на којшто му било дозволено да настапува бил словенечкиот бенд Laibach. Тие имале концерт во Пјонгјанг во 2015 година. Наместо тоа, луѓето можат да ги посетуваат концертите на локалните бендови.

10. Одмори во странство

Севернокорејците не смеат да одат на одмори во странство. Тоа е нарушување на човековите права, но луѓето во Северна Кореја најверојатно не се свесни за овој факт.

Лидерите на Северна Кореја се обидуваат да ја заштитат земјата од надворешните влијанија. Тие забрануваат многу работи, но светот постојано се менува. Не можеме да очекуваме дека Северна Кореја засекогаш ќе остане иста. Луѓето таму и нивниот начин на живот постепено се менуваат, благодарение на северните и јужните соседи, така што постои надеж дека Севернокорејците еден ден ќе можат да дознаат што се случува надвор од границите на нивната земја.

Креирано од: