ВМРО-ДПМНЕ се обврзува веднаш после формирањето на новата влада да пристапи кон донесување на нов закон за оружје, имплементација на ЕУ директивата 2021/555, категоризација на оружјето согласно ЕУ директивата, скенирање на состојбите, реорганизација и дигитализација на Секторот за оружје во МВР, утврдување на транспарента постапка за новите дозволи кои ќе се издаваат во рок од три месеци.
Ова го договоривме на денешната средба која заедно со пратеникот и колега од ВМРО ДПМНЕ, Драган Ковачки ја остваривме со Ловечката федерација на Македонија. На неа констатиравме дека корупцијата е сериозен проблем во процесот на добивање оружје и во моментов во Министерството за внатрешни работи, стојат околу 17.000 неразгледани предмети за оружје. Заеднички беа детектирани проблематичните области и конструктивно беа усогласени практични решенија кои ќе поддржат одговорно и одржливо ловство, ќе понудат функционални решенија во врска со правата на ловците и вредностите и традицијата на ловечката заедница и истовремено ќе придонесат за заштита на природните ресурси.
Дополнително се договоривме дека ќе работиме на тоа лицата што служеле воен рок и овластените лица кои по службена должност ракувале со оружје да немаат обврска да поминат обука за правилна потреба и ракување со оружје, оружјето да се одзема само во случај на постоење на кривични дела со елементи на насилство, а испитот освен електронски да се полага и писмено, како и да се изработи нова шема за вертикална сигнализација за дивеч на патиштата во Македонија.
-соопштение за јавноста пренесено преку фејсбук на Наќе Чулев
Креирано од:
СЛИЧНИ ОБЈАВИ
Истрага за убиство при семејно насилство во Битола
Средба на Јавниот обвинител Савески со директорката на ОТА Јаническа
Истрага за Претседател на суд и Судски администратор