12 јули (петок) со почеток од 20 часот во венчалната сала во Виница, можете да бидете дел од поетско- музичката вечер со која ќе ви се претстави поетот и колумнист Тихомир Јанчовски.
Македонска работа
Ако со луѓето си културен и фин
кај нас, тешко да завршиш работа.
Еве, ако треба да направат нешто
што сте се договориле
и времето на договореното наближува
и ти се јавуваш и ти велат
уште не е готово, ама ќе биде, ќе биде.
Ако, нема проблем, ќе почекам
само да е на време, тогаш!
И како да им викаш
не го ни прави, гледаш, не сум бесен…
И времето еднаш ќе дојде…
и ќе ти одговорат
не направивме, ова и ова не најдовме,
не можевме, овој и овој
нѐ зафркна и поради него…
не е до нас…
Не ти се верува!
Си бил со луѓето човек
а тие со тебе – стока
не разбираат од збор, ни даден ни кажан
нели им рече со убаво?
И после нова тактика,
се кријат и не креваат слушалка.
И конечно, кога ќе ги најдеш,
и ќе им свикаш
и ќе ти сетат ровја во гласот
и ќе ги отераш кај што не треба
и ќе им кажеш: ќе те најдам,
и ќе ми платиш за ова и ќе те правам сол…
И оп, гледаш, работата одеднаш
можела да се заврши
се нашло сѐ што требало
и сепак сѐ е навреме
баш во последен час…
И после ти си испаднал силеџија,
македонска работа.
Тихомир Јанчовски – „Влакно на јазикот“
Овие стихови нека бидат повод сите заедно да бидеме дел од прекрасната поетско-музичка вечер на Петровден, вечер во која само ќе можете да уживате во стиховите на нашиот поет, преведувач и колумнист Тихомир Јанчовски кој ќе се претстави со песни од сите свои поетски книги (кои ќе бидат застапени во јубилејната книга “Тихување“ која излегува по повод 20 години од објавувањето на неговата прва книга поезија), како и со песни од “Два света“ на Руми.
На поетско-музичкиот настап во Виница, стихови ќе читаат Тихомир и Дарко Јан Спасов, а музичките делници ќе ги отсвири џез-блуз дуото АФИОН.
Креирано од:
СЛИЧНИ ОБЈАВИ
31 годишен жител на Кочани се заканувал на својот сосед и неговото семејство
Во Кочани: Го пуштил своето куче на улица кое нападнало две женски лица
Ученици од Кајсери Турција, во рамки на Еразмус + програмата во посета на Пробиштип