Делегации на Општинскиот комитет на ВМРО-ДПМНЕ од Делчево предводена од Претседателот Горанчо Тодоровски и Општинскиот комитет на ВМРО-ДПМНЕ од Пехчево предводена од Претседателот Трајан Цековски и Претседателката на Унијата на жени на ВМРО-ДПМНЕ од Пехчево по повод 144 годишнината од денот на кревањето на Разловечкото востание положија букети со свежо цвеќе пред спомен плочата на Поп Стојан- духовниот водач на Разловечкото востание во дворот на црквата Св. Цар Константин и царица Елена во центарот на Разловци.
Црквата Св. Цар Константин и Царица Елена била средиште на духовниот раст на разловчани во периодот пред востанието каде идеолошки бил негуван непокорливиот дух на многу поединци учесници во организацијата и во воените дејствија на Разловечкото востание во 1876 година.
На ѕидот на црквата на десната страна од главниот влез се исцртани и фреските на ктиторите на црквата кои го помогнале нејзиното градење кое започнало во 1860 година а кои што зеле учество како организатори на востанието против Османлиските власти во 1876 година.
“Денеска се навршуваат 144 години од кревањето на Разловечкото востание!
Организацијата и кревањето на Разловечкото востание првично успеале затоа што востаниците биле обединети и единствени во својата одлучност и борба за слобода.
Овој народ знае како да се избори за својата слобода.
Нека им е вечен споменот на разловчани кои создадоа херојско дело за почит на денешните генерации.”
-напиша на фејсбук Горанчо Тодоровски по овој повод.
“144 години Разловечко востание,144 години борба, пркост, непокор, за да се биде слободен, Македонец, за да ја биде Македонија.”
-напиша на фејсбук Трајан Цековски,
Креирано од:
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово