Интегрален текст на реакција на Генералниот секретар на ВМРО-ДПМНЕ Игор Јанушев упатена кон Љупчо Николовски:
“Има толку многу работи да се кажат за вашето владеење што човек просто не знае од каде да почне. Македонскиот народ ви се восхитува на тоа колку си верувате на сопствените лаги, секоја ви чест.
Да ве потсетам бидејќи очигледно сте заборавиле дека според Transparency International сте прогласени за хибриден режим. За која демократија зборувате вие и со кое право? Ако порано сте шепотеле, сега треба да се криете!
За економијата зборувате како да живееме во Швајцарија, како да увезуваме работна сила, а реалноста е тажна. Иселувањето на младите никогаш не било по масовно затоа што тука нема перспектива, ја убивате и онаа малку надеж што граѓаните ја имаа. За каков раст на БДП зборувате вие? Кажете нешто за буџетската дупка која никој не знае колку е длабока. Заев и Нина Ангеловска уште не можат да се договорат во колкава економска дупка ни е државата.
Кажете колку луѓе останаа без работа во економската криза што ја предизвика Корона вирусот? Како им помогнавте на луѓето што имаат приватни бизниси? Слушнавте еден да е задоволен?
Или сакате да зборуваме за милионските тендери што беа наменети за бадеми, лешници, морски плодови, џипови … или за хеликоптерите … или за тоа кој е “главата” на Рекет … додека речиси секое второ-трето семејство останува без приход и неизвесно живее од месец за месец.
И за крај, ве молам, јавно и транспарентно да им кажете на граѓаните за која европска иднина им зборувавте до пред некој месец и да споредите со сегашната ситуација?
Нечесно е да раскажувате бајки по социјалните мрежи, не почнува и не завршува се на фејсбук. Излезете меѓу граѓаните и видете ја суровата реалност за која вие функционерите од СДСМ не сакате ниту да слушнете, ниту да видите.
Виновни сте, и за тоа народот ќе ве казни!”
Креирано од:
СЛИЧНИ ОБЈАВИ
Министерката за финансии Гордана Димитриевска Кочоска со своја објава ја одбележа 34 годишнината од монетарната самостојност на Македонија
СДСМ: Градоначалникот на Крива Паланка мора да го праша народот – референдум за рудникот за антимон!
Петрушевски: Филипче на кој дома му е во Дубаи, не може да збори за патриотизам и државни интереси, дополнително само и штети на евроинтеграцијата на Македонија