Во текот на денешниот ден Виница беше погодена од големо невреме со обилни врнежи на дожд кои што предизвикаа големи проблеми на сообраќајниците низ општината но и имотите и домовите на виничани.
Локалните институции пред се Градоначалникот, ЦУК, ТППЕ и локалното претпријатие “Солидарност” со целосен капацитет се вклучија во справувањето со штетите од невремето и помош за погодените жители и функционални објекти и сообраќајници.
“Денес Виница беше погодена од невреме и обилни врнежи од дожд кој наврна 55 литри на метар квадратен.
Веднаш после невремето на терен излегоа екипи на ЈП Солидарност и Територијалната противпожарна единица Виница, а на помош беа повикани и интервенираа и ТППЕ Кочани и Доброволното противпожарно друштво Кочани.
Само 25 повици и интервенции имаше ТППЕ Виница, поплавени се индивидуални објекти, индустриски објекти, а штети од невремето има и во ОУ “Гоце Делчев” и општинската зграда.
Сакам да искажам голема благодарност до сите погоре наведени кои беа на висина на задачата и до Дирекцијата за заштита и спасување која помогна со потопни пумпи и друга опрема.
Утре продолжуваме на терен со санирање на направените штети од невремето.”
-информираше градоначалникот Миле Петков доцна попладнево во врска со ефектите од невремето.
Креирано од:
СЛИЧНИ ОБЈАВИ
31 годишен жител на Кочани се заканувал на својот сосед и неговото семејство
Во Кочани: Го пуштил своето куче на улица кое нападнало две женски лица
Ученици од Кајсери Турција, во рамки на Еразмус + програмата во посета на Пробиштип