БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Советниците на ВМРО-ДПМНЕ во делчевскиот Совет поднесоа БАРАЊЕ за ставање во функција на регионален пат село Разловци- село Митрашинци

HTML Image as link Имате потреба од нов веб сајт?
An image from Squarespace
Пренеси го гласот

“Советничка група на ВМРО-ДПМНЕ во Советот на Општина Делчево поднесе БАРАЊЕ за ставање во функција на регионален пат село Разловци (Општина Делчево)- село Митрашинци (Општина Берово)!

Во рамки на Вашите можности, а како резултат на утврдена потреба на дел од граѓаните на општините Делчево и Берово, како Советничка група на ВМРО-ДПМНЕ во Советот на Општина Делчево:Бараме дополнување на годишната програма за изградба, реконструкција, рехабилитација, одржување и заштита на општинските патишта и улици во Општина Делчево за 2025 година со цел оспособување за сообраќај на Регионалниот пат кој ги поврзува село Разловци (Општина Делчево)- село Митрашинци (Општина Берово) со реализација на следните активности:

– Прочистување на непотребна дрвна маса која го попречува движењето по регионалниот пат;

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

– пробивање со градежни машини и формирање на трасата на регионалниот пат која е лоцирана во најголем дел по долината на река Брегалница со соодветен попречен наклон;

– формирање на земјани каналетки на соодветни делници за собирање на атмосферските води по должина на патот;

– поставување на бетонски цевасти пропусти за одведување на атмосферска вода од трупот на патот;

– негово опесочување со соодветно гранулиран насипен материјал во соодветни фракции со што би гарантирало подолготрајна употреба на овој пат за потребите на граѓаните;

– разбивање на опасни карпи.

Сакаме да потенцираме дека ваквото долгогодишно барање е на граѓаните на двете општини кои гравитираат во овој дел на државата, со што значително се скратува сообраќајната комуникација меѓу двете општини.

Многу важен податок е тоа што наредната 2026та година е 150 години од споменот за Разловечкото востание и ова делчевско село и неговите мештани заслужуваат подобро поврзување со соседните општини и села.

Ваквото подобрено сообраќајно поврзување ќе овозможи и поголема посета на селото од страна на ентузијасти и вљубеници во македонската историја и поголем транзит на туристи.”

-Интегрален текст на соопштение упатено до јавноста од страна на Иван Гоцевски- Координатор на Советничката група на ВМРО-ДПМНЕ ОК Делчево во делчевскиот Совет.

Креирано од:


Пренеси го гласот