Општина Кочани ја распиша 40. објава за отуѓување градежно земјиште во државна сопственост, со која се ставени на продажба седум градежни парцели, од кои шест со намена индивидуално домување и една парцела за хотелски комплекс.
Две од парцелите за индивидуално домување се наоѓаат на улицата „Пиринска“, а по една на улиците „Крум Вранински“, „Боро Ефремов“, „Кирил и Методиј“ и „Боро Ловџија“. Површините се движат од 173 до 438 м2.
Парцелата со намена хотелски комплекси се наоѓа на ул. „Лазар Андонов“ и е со површина од 12.058 м2.
Рокот за пријавување за учество во електронското јавно наддавање е до 23 јуни 2025 г., а јавното наддавање ќе се одржи на 25 јуни.
Почетната цена за градежните парцели за индивидуално домување е 61 денар за квадратен метар, а за хотелски комплекс – 583 денари за квадратен метар.
Целосната објава за продажба на градежно земјиште во државна сопственост е поставена на огласната табла во дворот на општинската зграда и е објавена на веб-страницата на Општина Кочани, www.kocani.gov.mk.



СЛИЧНИ ОБЈАВИ
По средбата со градоначалникот на Кочани Грозданов претставниците од Здружението 16 март 2025 порачаа: Не сакаме Кочани да биде град во кој ќе згасне радоста!
Обраќање на градоначалникот Владко Грозданов – благодарност до амбасадорот на Република Полска, Н. Е. Мариуш Бримора
Одбележан Денот на претприемачот во Кочани: Илјада лалиња и разговори за заедничка иднина