Во изминатите три дена, Скопје беше горд домаќин на Третиот форум за културна дипломатија, во коорганизација на Меѓународниот центар Алијанса на цивилизациите (ICAC) од Скопје, Институтот за културна дипломатија (ICD) од Берлин и кабинетот на поранешниот претседател на Република Македонија, проф. д-р Ѓорге Иванов.
Форумот, кој се одржа под мотото „Одржлив развој и културна дипломатија – Поттикнување глобални партнерства“, собра истакнати поранешни шефови на држави, дипломати, министри, културни дејци и експерти од целиот свет. Преку инспиративни сесии и дијалози, се дискутираше за тоа како културата и уметноста можат да бидат моќни алатки за дипломатија и меѓународна соработка.
Клучни моменти од Форумот:
Отворање на Форумот во Министерството за надворешни работи и надворешна трговија, на кое како домаќин се обрати министерот Тимчо Муцунски, а поздравно обраќање имаше и поранешниот претседател Ѓорге Иванов. Поздравни говори упатија и Иван Иванов (претседател на Извршниот одбор на ICAC) и Марк Донфрид (директор на ICD Берлин).
Панел-дискусија со учество на поранешните претседатели Вацлав Клаус (Чешка) и Реџеп Мајдани (Албанија), поранешните министри за надворешни работи Ерки Туомиоја (Финска), Миро Ковач (Хрватска), како и други значајни говорници, која ја нагласи улогата на малите држави во глобалната дипломатија.
Потпишување на Меморандум за соработка помеѓу Министерството за надворешни работи и ICAC од страна на Муцунски и Иванов.
Тркалезна маса во Собранието на тема „Иднината на демократијата во фрагментиран свет“, модерирана од претседателот на Собранието Африм Гаши, со учество на Ранко Кривокапиќ, Тасмина Ахмед-Шеик, Давор Филиповиќ, Делиа Доминго Алберт, Саранда Имери-Стафаи, Велика Стојкова-Серафимовска и Бобан Карапејовски.
Значајна тркалезна маса во Вила Водно, под покровителство на претседателката проф. д-р Гордана Сиљановска-Давкова, посветена на улогата на малите држави во глобалниот мултилатерализам. Своја порака испратија и Волкан Бозкир, Хенри Џонс, Розета Епифани, како и д-р Ѓорге Иванов, кој истакна: „Културата не гради ѕидови, туку мостови.“
Форумот заврши во Музејот на македонската борба со панел-дискусија насловена „Уметноста како алатка за дипломатија: Градење мостови преку културата“, отворена од Зоран Љутков (министер за култура и туризам), со говори од Абдулазис Алтваиџри, Бенедето Закироли, Пенг Гуан и Мелпомени Корнети.
Гостите имаа можност да ја почувствуваат магијата на Старата скопска чаршија, да се запознаат со македонската историја и култура низ музејски тури и изложби, како и да уживаат во концертот на камерниот ансамбл Консонанс во Музејот за современа уметност.
Овој форум испрати силна порака: Културата не е луксуз – таа е неопходна за глобален мир, соработка и одржлив развој.
Благодарност до сите говорници, модератори и учесници кои придонесоа со инспиративни идеи и визии за културната дипломатија.
Креирано од:
СЛИЧНИ ОБЈАВИ
Министерката за финансии Гордана Димитриевска Кочоска со своја објава ја одбележа 34 годишнината од монетарната самостојност на Македонија
СДСМ: Градоначалникот на Крива Паланка мора да го праша народот – референдум за рудникот за антимон!
Петрушевски: Филипче на кој дома му е во Дубаи, не може да збори за патриотизам и државни интереси, дополнително само и штети на евроинтеграцијата на Македонија