Иако станува збор за населба чиј што урбанистички план е донесен пред повеќе од две децении, сепак денес поедини улици добиваат нормална сообраќајна инфреаструктура во населбата “Пролет” во Делчево.
Станува збор за изградба на целосна подземна инфраструктура што подразбира изгрдба на нови линии на водовод и канализација (фекална и атмосферска) и обезбедување на приклучок за соодветните градежни парцели и одведување на фекалната и атмосферската канализација до соодветни реципиенти. Потоа доаѓа изградбата на горниот строј на улиците со формирање на тротоарите и коловозот.
Во рамки на годипната програма на Градоначалникот Иван Гоцевски за жителите на овој дел од населбата “Пролет” предвидено е да се изградат улица “4 в”, дел од улица “3”, дел до улица “5” и дел од улица “1”. Вкупната инвестиција од 8.4 милиони денари со која ќе се изгрдат делници во вкупна должина од 420 метри е обезбедена од страна на Владата на Република Македонија преку годишниот Буџет на Министерството за транспорт а изведувач на работите е делчевска локална градежна компанија.
Увид во почетокот на градежните работи направи градоначаникот Иван Гоцевски кој истакна дека новата населба Пролет во Делчево ќе биде една од најубавите населби и со сите проекти кои се работат во населбата, таа го добива својот урбан лик.
-“Со инфраструктурните проекти продолжуваме и наредниот период. Деновиве го распишавме општиот тендер за изградба на патна инфраструктура во висина од околу 10. милиони денари. Овој тендер најавува работно лето во Делчево и изградба на инфраструктура која е во насока на подобрување на квалитетот на животот на граѓаните. Со тендерот е предвидена изградба на неколку улици, санирање критична инфраструктура и сл.,”
-информираше за јавноста Градоначалникот на општина Делчево Иван Гоцевски во врска со овој проект.
Сообраќајната и комуналната инфраструктура особено во урбаните подрачја во Делчево е главен фокус во работата на Градоначалникот Гоцевски за што екипите во ЕЛС Делчево напорно работат за обезбедување на потребната документација и спроведување на сите законски процедури за да граѓаните на Длечево добијат поквалитетен животен стандард.
Креирано од:
СЛИЧНИ ОБЈАВИ
Успехот заслужува признание – Општина Берово ќе наградува ученици и ментори за постигнување на врвни резултати
Уште една компанија ја препозна посветеноста на градоначалникот на Делчево Иван Гоцевски
Aнкица Манасиевска – нов в. д. директор на ОУ „Никола Карев“